ပြန်လည်ပြည့်ဖြိုးမြဲစွမ်းအင်ထုတ်ကုန်များကိုသုတေသနပြုလုပ်ပြီးထုတ်လုပ်နေတဲ့ E-Dina ကုမ္ပဏီနဲ့ နှင့် WPP ရဲ့ Wunderman Thompson Colombia ဌာနတို့ပူးပေါင်းပြီးတော့ ဆားငန်ရေကနေ လျှပ်စစ်စွမ်းအင်အဖြစ်သို့ ပြောင်းလဲပေးနိုင်တဲ့ ကိရိယာကိုတီထွင်ထုတ်လုပ်နိုင်ခဲ့ပြီဖြစ်ပါတယ်။ shwekhitonlinetv.com
WaterLight လို့ခေါ်တဲ့ဒီမီးအိမ်လေးက ဆားငန်ရေ (၁) လီတာခွဲကို (၄၅) ရက်ကြာအလင်းရောင်အဖြစ်ပြောင်းလဲပေးနိုင်မှာဖြစ်ပါတယ်။ ဒါ့အပြင် ဒီမီးအိမ်လေးမှာ USB Port တွေလည်းပါတာကြောင့် ဖုန်းအားသွင်းတာလိုမျိုး အခြားအရာတွေကိုပါလုပ်ဆောင်နိုင်မှာဖြစ်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2022/06/waterlight-wunderman-thompson-edina_dezeen_2364_col_3.jpg?resize=678%2C381&ssl=1)
WHO ရဲ့စစ်တမ်းတွေအရဆိုရင်တော့ ကမ္ဘာတစ်ဝှမ်းမှာရှိတဲ့ လူဦးရေ သန်း (၈၄၀) လောက်ကလက်ရှိအချိန်မှာလျှပ်စစ်မီးကို အသုံးပြုခွင့်မရကြသေးပါဘူးလို့သိရပါတယ်။ ဒီလိုအခြေအနေမှာ ဒီပစ္စည်းလေးက သမရိုးကျရုပ်ကြွင်းလောင်စာအရင်းအမြစ်များ အသုံးပြုမှုကို လျော့ချပေးနိုင်မှာဖြစ်ပါတယ်။ shwekhitonlinetv.com
WaterLight ဟာ Ionisation ဖြစ်စဉ်နဲ့အလုပ်လုပ်တာဖြစ်ပါတယ်။ ဆားငန်ရေဟာထဲမှာ ပါဝင်တဲ့လျှပ်စီးရည် အိုင်းယွန်းဟာ ဒီဝါးမီးအိမ်လေးအတွင်းမှာရှိတဲ့ မဂ္ဂနီဆီယမ် ဓာတ်ပြုတဲ့အခါစွမ်းအင်အဖြစ်ကိုပြောင်းလဲသွားပါတယ်။ ပိုပြီးတိတိကျကျပြောရရင်တော့သူ့မှာ အထူးဒီဇိုင်းထုတ်ထားတဲ့ အီလက်ထရောနစ်ဆားကစ်တစ်ခုရှိပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2022/06/waterlight6-1024x683-1.jpg?resize=678%2C452&ssl=1)
အဲ့ဒီဆားကစ်က ဆားငန်ရေမှာရှိတဲ့ အိုင်းယွန်းတွေရဲ့ရွေ့လျားမှုကို ပိုမိုကျယ်ပြန့်သွားစေပြီး စွမ်းအင်အဖြစ်ကိုပြောင်းလဲပေးတာပဲဖြစ်ပါတယ်။ ဒီလို အီလက်ထရောနစ်ဆားကစ်တစ်ခုရှိမှသာ ဆားငန်ရည်ကထွက်ပေါ်လာတဲ့ လျှပ်ခေါင်းတွေဟာ လျှပ်စစ်စွမ်းအင်အဖြစ် စီးဆင်းမှာလည်းဖြစ်ပါတယ်။ shwekhitonlinetv.com
ဒီဆားကစ်လေးဟာ အရွယ်အစားအားဖြင့်ကြည့်ရင် အလွန်သေးငယ်ပေမယ့် သူ့ရဲ့စွမ်းအားကတော့ ကြီးမားပါတယ်။ ဘာကြောင့်လဲဆိုတော့ ဆားငန်ရေ (၁) လီတာကနေ လျှပ်စစ်ဓါတ်အား (၅၀၀) ဝပ်အထိထုတ်ယူပေးနိုင်လို့ပဲဖြစ်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2022/06/USO9.jpg?resize=678%2C381&ssl=1)
ဒီအရာကိုတီထွင်ဖို့ စတင်စိတ်ကူးဖြစ်ပေါ်ခဲ့တာကတော့ ကိုလံဘီယာ-ဗင်နီဇွဲလားနယ်စပ်က La Guajira ကျွန်းဆွယ်ဒေသတစ်ခုဖြစ်တဲ့ Wayuu ကိုရောက်ရှိခဲ့စဉ်ကဖြစ်ပြီး ၎င်းတို့ရဲ့ရိုးရာအလေ့အထနဲ့ အလုပ်အကိုင်၊ လူနေမှုဘဝတွေရဲ့လှုံ့ဆော်မှုကြောင့်ဖြစ်ကြောင်း Wundermann Thompson မှ တာဝန်ရှိသူတစ်ဦးကဆိုပါတယ်။ shwekhitonlinetv.com
ဒီ မီးအိမ်လေးကြောင့် တံငါသည်တွေဟာ ညဘက်မှာလည်းငါးဖမ်းထွက်နိုင်ခဲ့သလို အရင်ကဖယောင်းတိုင်နဲ့ စာကြည့်ခဲ့ရတဲ့ကလေးတွေဟာလည်း အခုဆိုရင် ဒီမီးအိမ်လေးကအလင်းရောင်နဲ့စာကြည့်နိုင်ပြီဖြစ်ပါတယ်။ နောက်ပြီး ရိုးရာ Kanas (အဝတ်အထည်၊ လက်ပတ်ကြိုးစသဖြင့်လက်မှုလုပ်ငန်းများ) ယက်လုပ်သူ အမျိုးသမီးတွေဟာလည်း ညဘက်တွေမှာပါ အလုပ်လုပ်လို့ရပြီဖြစ်လို့ အပ်ထည်တွေကို ပိုမိုလက်ခံနိုင်ပြီဖြစ်ပါတယ်။ shwekhitonlinetv.com
![](https://i0.wp.com/www.shwekhitonlinetv.com/wp-content/uploads/2022/06/waterlight-wunderman-thompson-edina_dezeen_2364_col_0.jpg?resize=678%2C381&ssl=1)
ဒါကြောင့် ဝေးလံခေါင်သီပြီး လျှပ်စစ်မီးမရနိုင်တဲ့ဒေသတွေအတွက်တော့ Waterlight ဟာ သယ်ဆောင်ရလွယ်ပြီး အလွန်အသုံးဝင်မယ့်ပစ္စည်းတစ်ခုဖြစ်လာမှာတော့ အမှန်ပဲဖြစ်ပါတယ်။ shwekhitonlinetv.com
Shwe Khit Online TV မှရေးသားတင်ဆက်ပါသည်။ယခုဆောင်းပါးကိုတခြားပေ့ချ်များတွင်ကျေးဇူးပြု၍ကူးယူဖော်ပြခြင်းမပြုရန်မေတ္တာရပ်ခံအပ်ပါသည်။