ကမ္ဘာကြီးရဲ့ ၇၀ ရာခိုင်နှုန်းကျော်ကို ရေတွေနဲ့ ဖုံးလွှမ်းထားတယ်ဆိုတာ အားလုံးသိပြီး ဖြစ်ကြမှာပါနော် ။ ဒါ့ကြောင့် ရေနေသတ္တဝါဆန်းတွေကို အချိန်နဲ့အမျှ ရှာဖွေတွေ့ရှိနေတယ်ဆိုတာ အံ့သြစရာမဟုတ်ပါဘူး။ နက်ရှိုင်းတဲ့ သမုဒ္ဒရာကြမ်းပြင်ကြီးဟာ ထူးဆန်းပြီး ရှားပါးလှတဲ့ ရေနေသတ္တဝါတွေရဲ့ အိမ်ကြီးပဲ ဖြစ်ပါတယ်။ ရွှေခေတ်ပရိတ်သတ်ကြီးအတွက် မြင်တွေ့နေကျမဟုတ်ပဲ ဆန်းကြယ်လှတဲ့ သွင်ပြင်ရှိတဲ့ ရေနေသတ္တဝါဆန်းတွေအကြောင်းကို ဖော်ပြပေးလိုက်ပါတယ်နော်။
၁။ Blobfish
Blobfish ငါးလေးတွေဟာ သမုဒ္ဒရာရေနက်ပိုင်းမှာ နေထိုင်တဲ့ ငါးမျိုးစိတ်ပဲ ဖြစ်ပါတယ်။ တော်ရုံလူမသွားရောက်နိုင်တဲ့ အောက်စီဂျင်နည်းပါးတဲ့ ရေနက်ပိုင်းမှာ နေထိုင်ကြပါတယ်။ သူတို့ရဲ့ ဆိုးဝါးလှတဲ့ ရုပ်ရည်နဲ့ အမူအကျင့်ကြောင့် ကမ္ဘာ့ရုပ်အဆိုးဆုံးတိရစ္ဆာန်များထဲမှ တကောင်အဖြစ် သတ်မှတ်ခံထားရပါတယ်။ သူတို့ရဲ့ ခန္ဓာကိုယ်ဟာ ကျောက်ကျောလို ပြစ်ခဲနေတဲ့ ပုံစံရှိပါတယ်။ ဒါ့ကြောင့် ရေနက်ပိုင်းမှာရှိတဲ့ မတ်စောက်တဲ့ အစွယ်အငုတ်တွေရဲ့ အပေါ်မှာ ခက်ခက်ခဲခဲ ကူးခက်စရာလိုပဲ ပေါလောပေါ်နိုင်ပါတယ်။ shwekhitonlinetv.com
သူတို့ရဲ့ မျက်နှာပုံစံဟာ ဝမ်းနည်းပြီး အားငယ်နေတဲ့ပုံစံ ဖြစ်ပေါ်နေပြီး အရောင်ကတော့ အညိုရောင်ပျောက်ကျား ဒါမှမဟုတ် အစိမ်းရောင် ရှိပါတယ်။ ဒီကောင်တွေကို သြစတေးလျား ၊ နယူးဇီလန် နဲ့ တောင်အတ္တလန်တိတ် သမုဒ္ဒရာများမှာ တွေ့ရှိနိုင်ပါတယ်။ shwekhitonlinetv.com
၂။ Barreleye Fish
ဖောက်ထွင်းမြင်ရတဲ့ ဦးခေါင်းကို ပိုင်ဆိုင်ထားတဲ့ ထူးခြားတဲ့ ငါးမျိုးစိတ်ပဲ ဖြစ်ပါတယ်။ အဆိုပါ ဦးခေါင်းကြောင့် သူတို့အထက်က သားကောင်ကို ဖောက်ထွင်းပြီး တွေ့နိုင်ပါတယ်။ သူတို့ရဲ့ အစိမ်းရောင်မျက်လုံးတွေကို ပါးလွှာပြီး ဖောက်ထွင်းမြင်ရတဲ့ အရိုးတွေနဲ့ ဖွဲ့စည်းထားတဲ့ တစ်ရှူးလုံးတွေနဲ့ ဖုံးကွယ်ထားကြပါတယ်။ ရှည်လျားတဲ့ နှုတ်သီးနဲ့ သမုဒ္ဒရာကြမ်းပြင်မှာရှိတဲ့ ဂဏန်း ၊ ပုစွန် ကဲ့သို့သားကောင်များကို ဖမ်းယူစားသောက်တတ်ကြပါတယ်။ shwekhitonlinetv.com
အစိမ်းရောင်မျက်လုံး ၊ ဖောက်ထွင်းမြင်ရတဲ့ ဦးခေါင်း နဲ့ နှုတ်သီးချွန်ချွန်ပါတဲ့ ငါးကို တွေ့မယ်ဆိုရင်တော့ ဒါဟာ Barreleye Fish ငါးပဲ ဖြစ်ပါတယ်။ သမုဒ္ဒရာကြမ်းပြင်အနက်ပိုင်းတွေမှာ တွေ့ရှိနိုင်ပြီး မကြာခဏတွေ့ရလေ့ရှိတဲ့ ငါးအမျိုးအစားတော့ မဟုတ်ကြပါဘူး။ ဒါပေမဲ့ ကံကောင်းမယ်ဆိုရင်တော့ ရေငုတ်ပြီး လေ့လာရေးလုပ်နေတဲ့ အချိန် နဲ့ ရေနက်ပိုင်း ငါးဖမ်းတဲ့အခါတွေမှာ တွေ့ရနိုင်ပါတယ်။ သူတို့ရဲ့ အသားဟာ ကျောက်ကျောလို ပြစ်ခဲနေပြီး အရသာကလည်း မကောင်းတာကြောင့် သူတို့ကို စားသုံးလေ့မရှိကြပါဘူး။ shwekhitonlinetv.com
၃။ Lion’s Mane Jellyfish
Lion လို့တင်စားထားသလိုပဲ အရှည် ပေ ၅၀ ကျော်အထိ ရှိပြီး သူတို့ရဲ့ လက်တံတွေမှာ အဆိပ်ဆဲလ်ပေါင်း ၁၀၀,၀၀၀ ကျော်အထိ ပါဝင်ပါတယ်။ တခြား Jellyfish အမျိုးအစားတွေနဲ့ ယှဥ်ရင် ကြီးမားလွန်းတဲ့ မျိုးစိတ်ဖြစ်ပြီး ရေနေသတ္တဝါတွေထဲမှာ အရှည်လျားဆုံးအကောင်တွေလည်း ဖြစ်ပါတယ်။ လုံးဝန်းပြီး ခြေလက်တွေ အများကြီးပါတဲ့ ပုံသဏ္ဍာန် ရှိပါတယ်။ shwekhitonlinetv.com
ဒီကောင်တွေရဲ့ အဆိပ်တွေနဲ့ ပြည့်နှက်နေတဲ့ လက်တံတွေနဲ့ ထိမိမယ်ဆိုရင်တော့ အရေပြားပေါ်မှာ အနီပိန့်ထခြင်း ၊ အရည်ကြည်ဖုပေါက်ခြင်းနဲ့ ခဏတဖြုတ် အကြောဆိုင်းခြင်း ၊ အကြောသေခြင်း စတဲ့ အန္တရာယ်တွေနဲ့ ရင်ဆိုင်ရနိုင်ပါတယ်။ Lion’s Mane Jellyfish တွေကို ကမ္ဘာတဝှမ်းက ရေအေးနေရာများမှာ တွေ့ရှိနိုင်ပြီး မြောက်အတ္တလန်တိတ်သမုဒ္ဒရာမှာ အများဆုံးတွေ့နိုင်ပါတယ်။ အန္တရာယ်ပေးနိုင်တဲ့ ငါးအမျိုးအစား မဟုတ်ပေမဲ့ သူတို့ရဲ့ လက်တံတွေနဲ့ ထိတွေ့ခြင်းကိုတော့ ရှောင်ရှားသင့်ပါတယ်။ shwekhitonlinetv.com
၄။ Goblin Shark
ကမ္ဘာတဝှမ်းက သမုဒ္ဒရာရေနက်ပိုင်းတွေမှာ တွေ့ရနိုင်တဲ့ ရေနက်ပိုင်းနေသတ္တဝါပဲ ဖြစ်ပါတယ်။ ကျဥ်းမြောင်းရှည်လျားတဲ့ နှုတ်သီးကို ပိုင်ဆိုင်ထားပြီး ရေနက်ပိုင်း မှောင်မည်းနေတဲ့ နေရာတွေမှာ သားကောင်တွေကို အဆိုပါနှုတ်သီးနဲ့ ဖမ်းယူစားသောက်ကြပါတယ်။ ဒီငါးမန်းမျိုးစိတ်ဟာ ဆိုးဝါးလွန်းတဲ့ သွင်ပြင်ရှိတာကြောင့် Goblin Shark လို့ အမည်ပေးထားခြင်း ဖြစ်ပါတယ်။ ရေနက်ပိုင်းတွေမှာပဲ ကျင်လည်လေ့ရှိတဲ့ တိရစ္ဆာန်ဖြစ်တဲ့အတွက် လူသားတွေအနေနဲ့ အလွယ်တကူ မတွေ့နိုင်ပါဘူး။ ဒါ့ကြောင့် သင်ဟာ ရေမျက်နှာပြင်မှာပဲ ကူးခတ်တတ်တဲ့သူ ရေနက်ပိုင်း မသွားတတ်သူဆိုရင်တော့ အန္တရာယ်ကင်းနိုင်ပါတယ်။ shwekhitonlinetv.com
ချွန်မြပြီး ထက်မြက်တဲ့ သွားတွေရှိတာကြောင့် သူတို့တချက်ကိုက်လိုက်ပြီဆိုတာနဲ့ သားကောင်ရဲ့ဘဝဟာ တကယ်ကို မတွေးရဲစရာပါ။ ကမ္ဘာတဝှမ်းရှိ သမုဒ္ဒရာရေနက်ပိုင်းတွေမှာ တွေ့ရလေ့ရှိပြီး အထူးသဖြင့် ဂျပန် နဲ့ တရုတ်နိုင်ငံရဲ့ ရေနက်ပိုင်းတွေမှာ အများဆုံးတွေ့ရနိုင်ပါတယ်။ shwekhitonlinetv.com
၅။ Megamouth Shark
ဟာဝိုင်အီအနီးမှာ ၁၉၇၆ ခုနှစ်က တွေ့ရှိခဲ့တဲ့ သမုဒ္ဒရာရေနက်ပိုင်းနေ နောက်ထပ်ငါးမန်းမျိုးစိတ်တခုဖြစ်ပါတယ်။ ကြီးမားတဲ့ ပါးစပ်နဲ့ ချွန်မြနေတဲ့ သွားသေးသေးလေးတွေကို ပိုင်ဆိုင်ထားတာကြောင့် Megamouth Shark လို့ အမည်ပေးထားခြင်း ဖြစ်ပါတယ်။ Megamouth Shark တွေဟာ ရွေးချယ်စားသောက်တတ်တဲ့ ငါးမန်းဖြစ်ပြီး ဒီရေလှိုင်းတွေနဲ့အတူ မျောပါနေတဲ့ ရေနေသတ္တဝါ အကောင်ငယ်လေးများနဲ့ ပင်လယ်မျက်နှာပြင်မှာ ရှိတဲ့ ရေနေသတ္တဝါ သေးသေးလေးတွေကို စားသောက်ကြပါတယ်။ ပါးစပ်အကြီးကြီးတွေကို ပိုင်ဆိုင်ထားပေမဲ့လည်း အကောင်ငယ်လေးတွေကိုပဲ ရွေးချယ်စားသောက်တတ်တဲ့ ငါးမန်းမျိုးစိတ် ဖြစ်ပါတယ်။ shwekhitonlinetv.com
၁၉၇၆ ခုနှစ်ကနေ စတင်တွေ့ရှိခဲ့ပေမယ့် ယနေ့အချိန်အထိ ဒီငါးမန်းတွေကို တွေ့နိုင်ဖို့ ရှားပါးနေဆဲ ဖြစ်ပါတယ်။ ၁၅ ပေအထိ ရှည်လျားနိုင်ပြီး အရောင်အားဖြင့် အညိုရောင်အရင့် သို့မဟုတ် အနက်ရောင် ရှိကြပါတယ်။ အန္တရာယ်ပေးနိုင်တဲ့ ငါးမန်းတွေ မဟုတ်ကြပေမဲ့ သူတို့နဲ့ ထိတွေ့မှုကို ရှောင်ရှားတာ အကောင်းဆုံးပါပဲ။ shwekhitonlinetv.com
၆။ Sea Pig
ထူးဆန်းတဲ့ သွင်ပြင်ရှိကာ ရေထဲမှာ ပေါက်ဖွားတဲ့ တီကောင်အမျိုးအစားဖြစ်ပြီး ကမ္ဘာတဝှမ်းက သမုဒ္ဒရာများမှာ တွေ့ရှိနိုင်ပါတယ်။ သူ့ရဲ့ သွင်ပြင်ပုံစံကြောင့် Sea Pig လို့ အမည်ပေးထားပါတယ်။ လုံးဝန်းတဲ့ ကိုယ်ထည် သေးငယ်တဲ့ ဦးခေါင်းရှိပြီး မျက်လုံးမပါရှိတဲ့ ရေနေအင်းဆက်အမျိုးအစားဖြစ်ပါတယ်။ shwekhitonlinetv.com
ရေမျက်နှာပြင်ပေါ်မှာရှိတဲ့ ရေနေတီကောင်နဲ့ အခြားပိုးကောင်ငယ်လေးများကို စားသောက်တတ်ကြပြီး ပင်လယ်တိုင်းမှာ Sea Pig တွေကို တွေ့နိုင်ပါတယ်။ အန္တရာယ်မပေးနိုင်တဲ့ အကောင်လေးတွေ ဖြစ်ပေမဲ့ သူတို့နဲ့ ထိတွေ့မှုကို ရှောင်ရှားထားတာကတော့ အကောင်းဆုံးပါပဲ။ shwekhitonlinetv.com
၇။ Giant Squid
Giant Squid ဆိုတဲ့ နာမည်အတိုင်း ဒီကောင်ကြီးတွေဟာ ကမ္ဘာ့အကြီးဆုံး ကျောရိုးမဲ့သတ္တဝါကြီးတွေဖြစ်ပြီး ပေ ၆၀ ကျော်အထိ ရှည်လျားနိုင်ပါတယ်။ ဒါ့အပြင် သူတို့တွေဟာ ကမ္ဘာ့အလေးလံဆုံး ရေနေသတ္တဝါတွေစာရင်းဝင် အကောင်ကြီးတွေလည်း ဖြစ်ပါတယ်။ ကြီးမားတဲ့ ကိုယ်ထည်ရှိပြီး လက်တံခွဲ ၈ ခုနဲ့ အဓိက လက်တံ ၂ ခု ပါရှိပါတယ်။ လက်တံခွဲ ၈ ခုဟာ အဓိက လက်တံနှစ်ခုထက် တိုပါတယ်။ သမုဒ္ဒရာရေနက်ပိုင်းတွေမှာ နေထိုင်လေ့ရှိတာကြောင့် သာမန်လူတွေအနေနဲ့ တွေ့မြင်နိုင်ဖို့ မလွယ်ကူပါဘူး။ shwekhitonlinetv.com
Researchers hooked this adult male colossal squid in the Ross Sea near Antarctica in 2007. The gigantic sea creature is about 33 feet long and weighed in at just under 1,000 pounds.
ကြက်တူရွေးနှုတ်သီးကဲ့သို့ ရှည်လျားလှတဲ့ နှာမောင်းကို ပိုင်ဆိုင်ထားကြပါတယ်။ ထိုရှည်လျားလှတဲ့ နှာမောင်းနဲ့ ငါး ၊ ပုစွန် နဲ့ အခြားရေနေသတ္တဝါများကို ဖမ်းယူစားသောက်ကြပါတယ်။ အပြည့်အဝ အရွယ်ရောက်ပြီးသား အကောင်ကြီးတွေဟာ ပေါင်ချိန် ၅၀၀ ကျော်အထိ အလေးချိန်ရှိကြပါတယ်။ ဒါ့ကြောင့် ဒီအကောင်ကြီးတွေနဲ့ ရေထဲမှာ တွေ့မယ်ဆိုရင်တော့ ဝေးဝေးကို အမြန်ဆုံးကူးခတ်သင့်ပါတယ်။ shwekhitonlinetv.com
၈။ Hagfish
Hagfish တွေကတော့ ငါးရှဥ့်ပုံစံ အမျိုးအစားဖြစ်ပြီး ရှည်လျားပြီး လုံးဝန်းတဲ့ကိုယ်ထည်ရှိကြပါတယ်။ သူတို့မှာ သွားတွေမပါရှိပေမဲ့ ပင်လယ်ကြမ်းပြင်မှာရှိတဲ့ ပိုးကောင်အသေတွေကို လုံးဝန်းတဲ့ ပါးစပ်နဲ့ ဖမ်းယူစားသောက်ကြပါတယ်။ Hagfish တွေဟာ အကျိအချွဲတွေကို ထုတ်လွှင့်ပြီး တဖက်က သားကောင်ရဲ့ ပါးဟပ်တွေကို ပိတ်ဆို့ခြင်းအားဖြင့် အမဲလိုက်ကြပါတယ်။ shwekhitonlinetv.com
ကမ္ဘာဦးရေနေသတ္တဝါလို့ ပြောလို့ရလောက်တဲ့အထိ သူတို့ရဲ့ အသက်ဟာ နှစ်သန်းပေါင်း ၃၀၀ ကျော်ကြာခဲ့ပြီ ဖြစ်ပါတယ်။ သူတို့တွေကို ပင်လယ်သမုဒ္ဒရာတိုင်းမှာ တွေ့ရှိနိုင်ပါတယ်။ shwekhitonlinetv.com
၉။ Octopus
ရေဘဝဲတွေဟာ ခရုမျိုးစိတ်တမျိုးဖြစ်ပြီး လက်တံ ၈ ခုပါရှိကာ အရိုးလုံးဝမရှိတဲ့ ရေနေသတ္တဝါတွေ ဖြစ်ပါတယ်။ ပင်လယ်သမုဒ္ဒရာတိုင်းမှာ တွေ့နိုင်ပြီး သူတို့ရဲ့ နေထိုင်ရာနေရာကိုလိုက်ပြီး အရောင်ပြောင်းတတ်ကြပါတယ်။ သားရဲကောင်တွေဖြစ်ပြီး ငါး ၊ ဂဏန်းနဲ့ အခြားရေနေသတ္တဝါတွေကို စားသောက်ကြပါတယ်။ ရေဘဝဲတွေကို ရေနေသတ္တဝါတွေထဲမှာ ဥာဏ်အများဆုံးအကောင်တွေအဖြစ် သတ်မှတ်ကြပါတယ်။ သူတို့ရဲ့ လက်တံတွေမှာ စုပ်ခွက်တွေ ပါရှိပြီး အပေါက်ငယ်လေးတွေထဲကို ခန္ဓာကိုယ်ကျုံ့ပြီး ပုံးခိုတတ်ကြပါတယ်။ shwekhitonlinetv.com
၁၀။ Spirula
Spirula တွေကတော့ ရှားပါးတဲ့ ရေနေသတ္တဝါတွေ ဖြစ်ကြပါတယ်။ ခရုပတ်ပုံစံ ရစ်ခွေနေတဲ့ ခန္ဓာကိုယ်ရှိတာကြောင့် Spirula လို့ ခေါ်ဝေါ်ကြပါတယ်။ သူတို့ရဲ့ အခွံတွေကို အလှဆင်တဲ့နေရာမှာ သုံးလေ့ရှိကြပါတယ်။ Spirula တွေဟာ သေးငယ်တဲ့ ရေနေသတ္တဝါများကို စားသောက်တတ်ကြပြီး သူတို့ကို ပင်လယ်သမုဒ္ဒရာတိုင်းမှာ တွေ့ရှိနိုင်ပါတယ်။ shwekhitonlinetv.com
Shwe Khit Online TV မှရေးသားတင်ဆက်ပါသည်။ယခုဆောင်းပါးကိုတခြားပေ့ချ်များတွင်ကျေးဇူးပြု၍ကူးယူဖော်ပြခြင်းမပြုရန်မေတ္တာရပ်ခံအပ်ပါသည်။
