စကြဝဠာဆိုတာကတော့ လျှို့ဝှက်ဆန်းကြယ်မှုတွေ၊ မယုံကြည်နိုင်လောက်စရာအဖြစ်အပျက် အကြောင်းတရားတွေနဲ့ပြည့်နှက်နေတဲ့ နေရာတစ်ခုဖြစ်ပါတယ်။ စကြဝဠာကြီးရဲ့အကြောင်းကို လူသားတွေအနေနဲ့တစ်နေ့ထက်တစ်နေ့ ပိုမိုသိရှိနိုင်အောင်ကြိုးပမ်းလျှက်ရှိရာကနေ သိရှိလာခဲ့တဲ့ စိတ်ဝင်စားဖွယ်အချက်အလက်တစ်ချို့ကို ရွှေခေတ်ပရိသတ်တွေအတွက် ပြန်လည်ဝေမျှပါရစေနော် ….. shwekhitonlinetv.com
၁။ ကြီးမားတဲ့ရေခိုးရေငွေ့တိမ်တိုက်ကြီး
![](https://i0.wp.com/www.shwekhitonlinetv.com/wp-content/uploads/2022/09/quasar-water-1280x720-1.jpg?resize=678%2C381&ssl=1)
နက္ခတဗေဒပညာရှင်တွေဟာ ကမ္ဘာကနေအလင်းနှစ် (၁၀) ဘီလီယံကွာဝေးတဲ့နေရာမှာထုထည်ကြီးမားလွန်းတဲ့ ရေခိုးရေငွေ့တိမ်တိုက်ကြီးတစ်ခုကို ရှာဖွေတွေ့ရှိခဲ့ပါတယ်။ ဒီရေခိုးရေငွေ့တိမ်တိုက်ကြီးထဲမှာပါဝင်နိုင်တဲ့ ရေပမာဏကတော့ ကမ္ဘာပေါ်ကရေအားလုံးရဲ့ အဆ (၁၄၀) လောက်ရှိပါတယ်။ shwekhitonlinetv.com
၂။ တဖြည်းဖြည်းကျုံ့လာတဲ့ ဂျူပီတာဂြိုဟ်ပေါ်က အနီရောင်မုန်တိုင်းကြီး
![](https://i0.wp.com/www.shwekhitonlinetv.com/wp-content/uploads/2022/09/jupiters-great-red-spot.png?resize=678%2C381&ssl=1)
လွန်ခဲ့တဲ့ဆယ်စုနှစ်တွေအတွင်းလေ့လာမှုတွေအရ နှစ်သန်းပေါင်းများစွာကတည်းကဖြစ်တည်နေတဲ့ ဂျူပီတာပေါ်ကအနီရောင် အစက်ကြီးဟာ တဖြည်းဖြည်းကျုံ့လာနေကြောင်း တွေ့ရှိရပါတယ်။ ဒီအနီရောင် အစက်ကြီးဟာ ဂျူပီတာဂြိုဟ်ပေါ်မှာနှစ်ပေါင်းများစွာဖြစ်ပေါ်နေတဲ့ မုန်တိုင်းကြီးတစ်ခုလည်းဖြစ်ပါတယ်။ ၂၀၁၇ ခုနှစ်ကထုတ်ပြန်မှုတစ်ခုမှာ ဒီအနီရောင်အစက်ကြီးရဲ့အရွယ်အစားဟာ ကမ္ဘာရဲ့အရွယ်အစားထက် (၁.၃) ဆလောက်ပိုကြီးပြီး လက်ရှိအချိန်မှာတော့ ကမ္ဘာနဲ့ရွယ်တူအနေအထားလောက်ထိကို ကျုံ့သွားတာဖြစ်ပါတယ်။ shwekhitonlinetv.com
၃။ အာကာသထဲမှာကြယ်တွေဘယ်လောက်ရှိသလဲ ?
![](https://i0.wp.com/www.shwekhitonlinetv.com/wp-content/uploads/2022/09/beautiful-space-stars.-wallpaper_.jpg?resize=678%2C305&ssl=1)
ဒီမေးခွန်းရဲ့အဖြေကိုအတိအကျဖြေနိုင်တဲ့သူတော့တစ်ယောက်မှမရှိပါဘူး။ နဂါးငွေ့တန်းဂလက်ဆီ (Milky Way Galaxy) တစ်ခုတည်းမှာကြယ်ပေါင်း (၂၀၀) ဘီလီယံကနေ (၄၀၀) ဘီလီယံအထိရှိနေတာဖြစ်ပြီး စကြဝဠာထဲမှာ အဲ့ဒီလီ ဂလက်ဆီတွေကလည်း ဘီလီယံနဲ့ချီပြီးရှိနေနိုင်တာကြောင့်ဖြစ်ပါတယ်။ shwekhitonlinetv.com
၄။ ဟေလီကြယ်တံခွန်ကိုမှတ်တမ်းတင်ခြင်း
![](https://i0.wp.com/www.shwekhitonlinetv.com/wp-content/uploads/2022/09/1637542783_Comet-Leonard-When-will-the-new-movie-hit-Earth-1024x576.jpg?resize=678%2C381&ssl=1)
တရုတ်လူမျိုးတွေဟာ ဘီစီ ၂၄၀ အစောပိုင်းကာလတွေကတည်းက ဟေလီကြယ်တံခွန်ရဲ့အကြောင်းကို စတင်မှတ်တမ်းတင်မှုတွေပြုလုပ်ခဲ့တယ်လို့သိရပါတယ်။ ၁၄၀ ဘီစီနောက်ပိုင်းမှာတော့ ကမ္ဘာနဲ့တစ်ဝန်းလုံးမှာ ဟေလီကြယ်တံခွန်နဲ့ ပတ်သက်တဲ့အချက်အလက်တွေကို အဆက်မပြတ်မှတ်တမ်းတင်မှုတွေရှိလာပါတယ်။ လာမယ့် ၂၀၆၁ ခုနှစ်မှာတော့ ဟေလီကြယ်တံခွန်ကို ကမ္ဘာကနေမြင်တွေ့ရမှာဖြစ်ပါတယ်။ shwekhitonlinetv.com
၅။ နောက်နှစ်သန်း (၁၀၀) လောက်ထိရှိနေမယ့် လကမ္ဘာပေါ်ကခြေရာများ
![](https://i0.wp.com/www.shwekhitonlinetv.com/wp-content/uploads/2022/09/11MOON-ARCHAEOLOGY-promo-superJumbo.jpg?resize=678%2C452&ssl=1)
အပိုလိုအာကာသယာဉ်မှုးတွေရဲ့ လကမ္ဘာပေါ်ကခြေရာတွေဟာ နောင်နှစ်သန်းပေါင်းများစွာအထိမပျောက်ပျက်ဘဲ တည်ရှိနေမှာပါ။ ဘာကြောင့်လဲဆိုတော့လပေါ်မှာရေမရှိသလို မြေပြင်ကခြေရာတွေကို တိုက်စားသွားမယ့် လေထုလည်းမရှိလို့ဖြစ်ပါတယ်။ shwekhitonlinetv.com
၆။ တန်ဖိုးကြီးလွန်းတဲ့ အာကာသဝတ်စုံများ
![](https://i0.wp.com/www.shwekhitonlinetv.com/wp-content/uploads/2022/09/0_h6nynA3M_u90Yu44.jpg?resize=678%2C381&ssl=1)
NASA က အာကာသယာဉ်မှုးတွေဝတ်ဆင်တဲ့ ပုံမှန်အာကာသဝတ်စုံတစ်ခုဟာ တန်ဖိုးအားဖြင့် အမေရိကန်ဒေါ်လာ (၁၂) သန်းဝန်းကျင်ရှိပါတယ်။ အထူးပြုလုပ်ထားတဲ့အချို့ဝတ်စုံတွေကတော့ ဒီထက်ပိုကုန်ကျစရိတ်များပါတယ်။ ကုန်ကျစရိတ်ရဲ့ (၇၀) ရာခိုင်နှုန်းကတော့ အာကာသဝတ်စုံမှာပါတဲ့ ကျောပိုးအိတ်နဲ့ ထိန်းချုပ်မှုစနစ်တို့ကြောင့်ဖြစ်ပါတယ်။ shwekhitonlinetv.com
၇။ အမေရိကန်နိုင်ငံထက်သေးငယ်တဲ့ ပလူတိုဂြိုဟ်
![](https://i0.wp.com/www.shwekhitonlinetv.com/wp-content/uploads/2022/09/ELcpewaWoAEWDsv.jpg?resize=678%2C336&ssl=1)
ဂြိုဟ်သိမ်ဂြိုဟ်မွှားတစ်ခုအဖြစ် ပြောင်းလဲသတ်မှတ်ခြင်းခံခဲ့ရတဲ့ ပလူတိုဂြိုဟ်ရဲ့ အရွယ်အစားဟာ အမေရိကန်နိုင်ငံထက်တောင်သေးငယ်လှပါတယ်။ ပလူတိုဂြိုဟ်ရဲ့ အီကွေတာပတ်ပတ်လည်မှာလမ်းလျှောက်သွားတာဟာ အင်္ဂလန်နိုင်ငံ လန်ဒန်မြို့ကနေ အမေရိကန်နိုင်ငံ ဒန်ဗာမြို့ကို လမ်းလျှောက်သွားရမယ့် အကွာအဝေးလောက်ပဲရှိပါတယ်။ shwekhitonlinetv.com
၈။ ကမ္ဘာရဲ့အဝေးကိုထွက်ပြေးနေတဲ့ လ
![](https://i0.wp.com/www.shwekhitonlinetv.com/wp-content/uploads/2022/09/Binary_system_Earth-Moon-scaled-1.jpg?resize=678%2C482&ssl=1)
လ ဟာနှစ်စဉ်နှစ်တိုင်း ကမ္ဘာကနေ (၃.၈) စင်တီမီတာလောက်ကွာဝေးလာလျှက်ရှိပါတယ်။ ဒါဟာတစ်ချိန်မှာ ကမ္ဘာမြေရဲ့ဆွဲအားကနေလွတ်ထွက်သွားမယ့် သဘောဖြစ်ပါတယ်။ ဒါပေမယ့်ဒီလိုဖြစ်ဖို့ဆိုတာကတော့ နှစ်ပေါင်း ဘီလီယံနဲ့ချီပြီးကြာမြင့်ဦးမှာဖြစ်ပါတယ်။ shwekhitonlinetv.com
၉။ တိတ်ဆိတ်လွန်းတဲ့ အာကာသ
![](https://i0.wp.com/www.shwekhitonlinetv.com/wp-content/uploads/2022/09/ezgif.com-gif-maker-2.jpg?resize=678%2C381&ssl=1)
အာကာသထဲမှာ လေထုမရှိပါဘူး။ ဒါဟာ အသံတွေကိုကြားနိုင်ဖို့အတွက် ကြားခံနယ်မရှိဘူးဆိုတဲ့အဓိပ္ပါယ်လည်းဖြစ်ပါတယ်။ ဒါကြောင့်မို့လို့အာကာသထဲက အာကာသယာဉ်မှုးတွေဟာ အာကာသဟင်းလင်းပြင်ထဲမှာတစ်နေရာနဲ့တစ်နေရာဆက်သွယ်ဖို့အတွက် ရေဒီယိုလှိုင်းတွေကိုသာအသုံးပြုကြရပါတယ်။ shwekhitonlinetv.com
၁၀။ ပထမဆုံးရိုက်ကူးနိုင်ခဲ့တဲ့ တွင်းနက်တစ်ခုရဲ့အရွယ်အစား
![](https://i0.wp.com/www.shwekhitonlinetv.com/wp-content/uploads/2022/09/maxresdefault-1.jpg?resize=678%2C381&ssl=1)
ပြီးခဲ့တဲ့ ၂၀၁၉ ခုနှစ်အတွင်းမှာတော့ ကမ္ဘာကနေအလင်းနှစ် (၃၁၀) ဘီလီယံမှာတည်ရှိနေတဲ့ တွင်းနက် (Black Hole) တစ်ခုကိုဓာတ်ပုံရိုက်ကူးနိုင်ခဲ့ပါတယ်။ အဆိုပါဓာတ်ပုံအရ ဒီတွင်းနက်ရဲ့အရွယ်အစားဟာ ကမ္ဘာထက်အဆပေါင်း (၃) သန်းလောက်ကြီးမားတယ်လို့ ဆိုကြပါတယ်။ shwekhitonlinetv.com
Shwe Khit Online TV မှရေးသားတင်ဆက်ပါသည်။ယခုဆောင်းပါးကိုတခြားပေ့ချ်များတွင်ကျေးဇူးပြု၍ကူးယူဖော်ပြခြင်းမပြုရန်မေတ္တာရပ်ခံအပ်ပါသည်။