ကမ္ဘာပေါ်မှာရှိတဲ့ နိုင်ငံတွေဟာဘာသာစကား၊ ယဉ်ကျေးမှုပုံစံ ကွဲပြားကြတဲ့ အလျောက် အဆိုပါနိုင်ငံတွေမှာ သုံးစွဲနေကြတဲ့ ငွေကြေး တွေဟာလည်း အမည်နာမတွေမတူညီပဲ ကွဲပြားကြပါတယ်။ အခုတင်ဆက်ပေးမယ့်အကြောင်းအရာလေးကတော့ ဘာလို့ ဒီလိုငွေကြေးတွေကို ခေါ်ဝေါ်သုံးနှုန်းတဲ့ အမည်တွေကွဲပြား ရသလဲဆိုတာပဲဖြစ်ပါတယ်။ ဗဟုသုတအဖြစ် ဖတ်ရှုကြည့်ကြပါဦးနော် … shwekhitonlinetv.com
၁။ဒေါ်လာ (Dollar)
ဒေါ်လာကတော့ ကမ္ဘာပေါ်မှာရှိတဲ့ နိုင်ငံတော်တော်များများ သုံနှုန်းကြတဲ့ ငွေကြေးနာမည် ဖြစ်ပါတယ်။ အမေရိကန်၊ သြစတြေးလျ၊ ကနေဒါ၊ ဖီဂျီ၊ နယူးဇီလန်၊ စင်ကာပူ အပါအ၀င် နိုင်ငံအတော်များများရဲ့ ငွေကြေးမှာဒေါ် လာ ဆိုတဲ့စာလုံး ပါဝင်နေပါတယ်။ shwekhitonlinetv.com
OxfordWords တွင် ဖော်ပြထားချက်အရတော့ ဘယ်ဂျီယံ မြောက်ပိုင်းနှင့် အနောက်ပိုင်းမှာ နေထိုင်တဲ့ ဖရမ်းမစ် ဘာသာစကားပြောတဲ့ တိုင်းရင်းသား လူမျိုးစုတွေကနေအစပြုပါတယ်။သူတို့ရဲ့ ဟွာချင်းသယ်လာ (Joachimsthaler) ဆိုတဲ့ စကားလုံးဟာ ယခင်က ငွေသတ္တုတွင်း အများအပြားရှိရာ ဟွာချင်းတောင်ကြားဒေသကို အစွဲပြုရည်ညွှန်းပြီး “ဟွာချင်းသယ်” လို့သူတို့ငွေကြေးကိုခေါ်ခဲ့ကြတယ်လို့ဆို့
ပါတယ်။ ဟွာချင်းသယ် ဆိုတဲ့ စာလုံးဟာ နောက်ပိုင်းမှာ ခေတ်ကာလ ရွေ့လျားလာပြီး အတိုကောက် “သယ်လာ” လို့ ဖြစ်လာခဲ့ပါတယ်။ အဲ့ဒီကမှတစ်ဆင့် အသံရွေ့လျားကာ ဒီနေ့ခေါ်ဝေါ်ကြတဲ့ ဒေါ်လာ ဆိုတဲ့နာမည်ကိုရရှိခဲ့တာဖြစ်ပါတယ်။ shwekhitonlinetv.com
၂။ ပီဆို (Peso)
ပီဆို ဆိုတာကတော့ စပိန်ဘာသာ စကားအရဆိုရင် “အလေးချိန်”လို့ အဓိပ္ပာယ်ရသည်။ shwekhitonlinetv.com
၃။ လိုင်ရာ (Lira)
အီတလီနှင့် တူရကီနိုင်ငံတို့မှာ သုံးစွဲနေတဲ့ လိုင်ရာဆိုတဲ့ငွေကြေးအမည်ကတော့ လက်တင်စာလုံး “လီဘရာ (Libra) က ဆင်းသက်လာတာ ဖြစ်ပြီး အလေးချိန်ကို ရည်ညွှန်းတဲ့ (Pound) ဆိုတဲ့ အဓိပ္ပာယ် ရပါတယ်။ shwekhitonlinetv.com
၄။ မာ့ခ် (Mark)
ယူရိုငွေကြေးကို ဘုံအဖြစ် မသုံးစွဲကြခင်က ဂျာမနီတို့က (Deutsche Mark)၊ ဖင်လန်တို့က (Markka) ငွေကြေးတွေကို သုံးစွဲခဲ့ပါတယ်။ ဒီအမည် နှစ်မျိုးလုံးဟာလည်း အလေးချိန်ကို ရည်ညွှန်းတဲ့ စကားလုံးတွေ ဖြစ်ပါတယ်။ shwekhitonlinetv.com
၅။ ရီယယ် (Rial)
တော်၀င်လို့ အဓိပ္ပာယ်ရတဲ့ လက်တင်စာလုံး ရီဂယ်လစ် (Regalis) ဟာ အိုမန်နှင့် အီရန်နိုင်ငံတွေမှာသုံးစွဲနေတဲ့ ရီယယ်ငွေကြေးရဲ့ မြစ်ဖျားခံရာ ဖြစ်ပါတယ်။ ကာတာ၊ ဆော်ဒီအာရေဗျ၊ ယီမင်တို့မှာသုံးတဲ့ (Riyal) ငွေကြေးကလည်း အလားတူပဲ တော်၀င်လို့ အဓိပ္ပာယ် သက်ရောက်ကြောင်းသိရပါတယ်။ စပိန်တွေဟာလည်း ယူရိုငွေကြေးကို မသုံးစွဲခင်က (Reals) လို့ခေါ်တဲ့ ငွေကြေးကို သုံးစွဲခဲ့ဖူးပါတယ်။ shwekhitonlinetv.com
၆။ ရန် (Rand)
ဒေါ်လာစာလုံး မြစ်ဖျားခံခဲ့တဲ့ သမိုင်းပုံစံမျိုးနှင့် ခပ်ဆင်ဆင်ပဲ တောင်အာဖရိကသုံး “ရန်”ငွေကြေးဟာလည်း တောင်အာဖရိကရှိ ရွှေထွက်ရာ ၀စ်ဇ်ဝါးတားရန် (Witwatersrand) မြို့လေးကို အစွဲပြုပြီး ဖြစ်ပေါ် လာတယ်လို့သိရပါတယ်။ ထိုမြို့ လေးရဲ့နာမည်ကတော့ ဒတ်ခ်ျ ဘာသာနဲ့ ခေါ်ဝါ်မှည့်တွင်ထားတာလည်းဖြစ်ပါတယ်။ shwekhitonlinetv.com
၇။ တရုတ် ယွမ် (Yuan) ၊ ဂျပန် ယန်း (Yen)၊ ကိုရီးယား ၀မ် (Won)
တရုတ်တွင် ယွမ်ဟူသော စာလုံးသည် အဝိုင်းပြားဟု အဓိပ္ပာယ်ရသည်။ ဂျပန် ယန်း၊ ကိုရီးယား ၀မ် တို့သည်လည်း အလားတူ အဝိုင်းပြား အဓိပ္ပာယ်များ ဖြစ်သည်။ shwekhitonlinetv.com
၈။ ခရောင်း (Crown)
နော်ဝေ၊ ဆွီဒင်တို့ပါ၀င်သော ဥရောပ မြောက်ပိုင်း စကန်ဒီနေးဗီးယား နိုင်ငံများတွင် သုံးသည့် ခရောင်း ငွေကြေးသည် လက်တင်စာလုံး “ကိုရိုနာ” (Corona) မှ ဆင်းသက် လာသည်။ ဆွီဒင်၏ Krona၊ နော်ဝေ၏ Knone၊ ဒိန်းမတ်၏ Krone ၊ အိုက်စလန်၏ krona၊ အက်စတိုးနီးယား၏ kroon (ယခု ယူရို ပြောင်းသုံး)၊ ချက်ဇ် ပြည်သူ့သမ္မတ နိုင်ငံ၏ koruna တို့သည်လည်း သရဖူဟု အဓိပ္ပာယ် ရသော လက်တင်စာလုံး Corona မှ ဆင်းသက်လာ ကြသည်။ shwekhitonlinetv.com
၉။ ဒီနာ (Dinar)
ဂျော်ဒန်၊ အယ်ဂျီးရီးယား၊ ဆားဘီးယား၊ ကူဝိတ်ငွေကြေး များကို ဒီနာဟု ခေါ်တွင်သည်။ ရောမခေတ်က ငွေပြားဝိုင်းများကို ဒီနရီစ် (denarius) ဟု လက်တင်စကားဖြင့် ခေါ်တွင်ခြင်းကို အရင်းခံပြီး ဒီနာစကားလုံး ပေါက်ဖွား လာသည်။ shwekhitonlinetv.com
၁၀။ ရူးပီး (Rupee)
သင်္သကရိုက် ဘာသာတွင် ရူပယာ (Rupee) သည် ငွေသတ္တုတုံးကို ရည်ညွှန်းသည်။ ထို့ကြောင့်ပင် အိန္ဒိယ၊ ပါကစ္စတန် တို့တွင် ငွေကြေးကို ရူးပီးဟု ခေါ်တွင်ကြခြင်း ဖြစ်သည်။ အင်ဒိုနီးရှားတွင်လည်း ရူးပီးယား (rupiah) ဟု ခေါ်တွင်သည်။ shwekhitonlinetv.com
၁၁။ ပေါင် (Pound)
ဗြိတိသျှငွေကြေး ပေါင်သည် အလေးချိန်ဟု အဓိပ္ပာယ်ရသော လက်တင်စာလုံး poundus မှ ဆင်းသက်သည်။ အီဂျစ်၊ လက်ဘနွန်၊ တောင်ဆူဒန်၊ ဆီးရီးယားတို့ တွင်လည်း ပေါင်ကိုသာ အသုံးပြုသည်။ shwekhitonlinetv.com
၁၂။ ရူဘယ် (Ruble)
ရုရှားနှင့် ဘီလာရုစ်တို့၏ ရူဘယ်ငွေကြေးသည်လည်း ငွေတုံး၏ အလေးချိန်ကို ရည်ညွှန်းသော စာလုံးမှ ဆင်းသက် လာသည်။ shwekhitonlinetv.com
၁၃။ ဖောရင့် (Forint)
ဟန်ဂေရီတို့၏ ဖောရင့် ငွေကြေးသည် အီတလီ စာလုံး ဖီရိုရီနို (fiorino) မှ ဆင်းသက်လာသည်။ ဖလောရင့်မြို့မှ ရွှေဒင်္ဂါးဟု အဓိပ္ပာယ်ရသည်။ shwekhitonlinetv.com
၁၄။ ရင်းဂစ် (Ringgit)
ဒင်္ဂါးပြား သွန်းလုပ်သည့်အခါ မညီမညာ အနားစွန်းထွက်နေသည် များကို ခြစ်ထုတ်ကာ ဒင်္ဂါးဝိုင်းကို ချောမွတ်နေအောင် ပွတ်တိုက်ပေး ရသည်။ ပွတ်တိုက်ရင်း ထွက်လာသော အနားသားစများကို ခိုးသူတို့က စုဆောင်းကာ ဒင်္ဂါးများ ခိုးသွန်းလောင်းခဲ့ ကြသည်။ ထိုပြဿနာကို ဖြေရှင်းရန် အတွက် နိုင်ငံ အပြားအများ သည် ဒင်္ဂါးပြားများကို အနားသတ် မချောတော့ဘဲ အကြမ်းထည် အတိုင်း ထုတ်လုပ် အသုံးပြုခဲ့ကြသည်။ မလေးရှား စကားတွင် အနားစောင်း မညီမညာ ကြမ်းတမ်းနေခြင်း အတွက် စကားလုံးက “ရင်းဂစ်”ဟူ၍ ဖြစ်သည်။ ထိုစာလုံးသည်ပင် အနားတွေ ကြမ်းတမ်းနေသော ဒင်္ဂါးပြားကို ရည်ညွှန်း ခေါ်ဝေါ်သည့် စာလုံး ဖြစ်လာခဲ့သည်။ shwekhitonlinetv.com
အခုဖော်ပြပေးခဲ့တာကတော့ ကမ္ဘာ့ပေါ်ကထင်ရှားတဲ့ နိုင်ငံတစ်ချို့ရဲ့ နိုင်ငံတော်ငွေကြေးအဖြစ်သုံးစွဲနေတဲ့ ငွေကြေးတွေနဲ့ပတ်သက်တဲ့ ဗဟုသုတရဖွယ်အကြောင်းအရာလေးပဲဖြစ်ပါတယ်။ shwekhitonlinetv.com
ယခုဆောင်းပါးကို Shwe Khit Online TV မှ ရေးသားတင်ဆက်ပါသည်။
